Meltxor, Gaspar eta Baltasar erregeek Sunbillara bisita egin dute aurten ere. Eguraldia lagun, herriari buelta eman zioten. Itturburun barrena jautsi, karrika nagusitik, zubi zaharraren barrena, goitiko karrikara ailegatu ziren. Handik, Juanemeneko iturrian barrena, Txangenetik, Harbizti auzora eta hortik estazioko pisuen barrena, San Juan karrikara eta azkenik elizara. Argazkiak: Maider Petrirena eta Kristina Loiarte
Elizan meza entzun eta jaiotza biziduna izan zuten. Akitutakoan, haurren txanda izan zen. Erregeei eskutitzak eman, goxoki poltsa hartu eta argazkia ateratzeko. Honekin jada eguberriei agur erran diegu.
Lerro hauen bidez eskerrak eman nahi dizkiete Sunbillako eguberrietan Olentzero eta Mari Domingiren bisita, eskulan tailerra eta Erregeei ongietorria egiteko lanetan ibili diren guztiei.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.