XII. aldiz egin dute Donezteben Eguberrietako Futbito Txapelketa. 19 talde aritu dira nor baino nor eta Ynafuma Ybeben taldea izan da irabazlea, finala Bozka Juniors taldearen kontra jokatuta. Hirugarren lekuan Troskis taldea sailkatu da eta laugarrenean Galacteos de Goshua.
Finala eta 3. eta 4. posturako sailkapenak abenduaren 31n jokatu zituzten Doneztebeko kiroldegia goraino betea zela. Finalaren ondotik, sari banaketa egin zuten, eta banakako hainbat sari ere eman zituzten.
Txapelketako jokalari hoberena Omar Ugartemendia izan zen, atezain hoberena Jokin Arozena eta gol gehien sartu dituen jokalaria, pitxitxia, alegia, Eki Erasun.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.