Utergak hirugarrenez segidan jantzi du Eguberrietako buruz buruko erremonteko txapela

Ttipi-Ttapa 2025ko urt. 2a, 10:00
Deskargatu Info Ahotsak :
es en fr

Xanti Utergak hirugarrenez segidan irabazi du Eguberrietako buruz buruko erremonte txapelketa. Oraingoan, Ioni irabazi dio finalean.

Euskal Jai Berri Erremonte Fundazioak antolatutako Eguberrietako buruz buruko erremonte txapelketako finala jokatu zuten abenduaren 27an Iruñeko Labriten. Xanti Uterga doneztebarra jaun eta jabe izan zen eta 30-14 irabazi zion Ioni. Gisa honetara, hirugarrenez segidan irabazi du doneztebarrak Eguberrietako buruz burukoa, hiru arerio ezberdinen kontra jokatutako finaletan.

Uterga pilota astintzen finalean, Ion begira duela.

Jaialdia hasteko partidan, Eloy Otxandorena eta David Mitxeo doneztebarrek 35-28 irabazi zieten Zeberio II.ari eta Otanori.

Kirola Malerreka Doneztebe

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun