Larunbatean, hilaren 23an, 10:00etan hasiko dira autoak lehian, Orokieta eta Saldias artean, eta Lozabiain eta Ituren artean. Goizeko txanda bukatuta, auto denak Donezteben elkartuko dira berriz.
Arratsaldeko zatiak 17:00etan hasiko dira, eta lehenengo Doneztebe eta Beintza arteko zatia eginen dute, eta ondotik, Labaien eta Orokieta artekoa.
Autoak lehian ari diren bitartean hainbat errepide itxiko dituzte.
- Saldiasko bidegurutzetik Zubietara doan errepidea 09:10ean itxi eta 13:30ak aldera irekiko dute.
- Doneztebetik Labaien aldera doana 14:00etan itxi eta 18.30ak aldera irekiko dute.
- Orokietako errepidea 08:50ean itxi eta 19:30ak aldera irekiko dute.
- Doneztebetik Donamaria aldera doan bidea, berriz, 14:00etan itxi eta 19:00etan irekiko dute.
Bertzelako ordutegiei dagokionez, ortziralean, azaroaren 22an, 17:00etan autoak aztertuko ditu Bearzana pilotalekuan. 20:30etik 21:00ak arte berriz, eliza atarian eginen dute aurkezpena.
Larunbatean 10:00etatik 13:00ak arte eginen dituzte goizeko zatiak. 13:00etan autoak ikusteko aukera izanen da 17:00etan hasiko dira berriz ere. 20:00etatik 20:30era banatuko dituzte sariak, eta ondotik, 21:30ean afaria eginen dute Santamarian.