[GUTUNA]: Mila esker, Ituren!

Ttipi-Ttapa 2024ko aza. 20a, 15:00
Deskargatu Info Ahotsak :
es en fr

Iturenen egin dute aurten Lan Gaua ibilaldia. Zehazki joan den larunbatean egin zuten, eta ordukoa gogoan, lerro hauen bitartez, eskerrak eman nahi izan dituzte Lan Gauaren antolatzaile diren Mikel Albisuk, Mikel Kintanak eta Xabier Zugarramurdik.

Azaroaren 16an Lan Gauaren 9. edizioa egin zen Iturenen. Gau zoragarri hartan, 104 lagunek parte hartu zuten, garai bateko bidexkatan barna eta kontrabandoan aritu zirenen testigantza ezagutuz. Aurten Ixidro Bazterrika herritarraren ekarpena izan genuen eta, urtero bezala, Etxalarko 'kuadrillak' ederki erakutsi zituen kontrabandoaren pasadizoak. Mila esker denei!
 
Antolatzaileen aldetik eskertu nahi dugu Tresanea Etxea-Apartamentuen eta Iturengo Udalaren laguntza ekitaldiaren antolakuntzan. Eta baita Iturengo herritarrak ere, beraien herriko historiaren zati hori ezagutzeko erakutsitako gogoagatik.
 
 
Gizartea Malerreka Ituren

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun