Nafarroako Herri Kirol Federazioaren, Nafarroako Kirolaren eta Jarduera Fisikoaren Institutuaren eta Nafarroako Gobernuaren eskutik Herri Kirolak ezagutu jarduera egiten ari dira herriz herri. Sunbillan urriaren 23an ateratako argazkiek erakusten dutenez, herri kirolak ezagutu eta kirol horietan trebatzeaz gain, ederki pasatzen dute neska-mutikoek. Argazkiak: Esti Gastearena eta Sunbillako eskolak utziak
Sunbillan ez ezik, Narbarteko eta Legasako ikastetxeetan ere izan ziren urriaren 23an. Aitzinetik, urriaren 14an eta 15ean, Leitzako Amazabal institutuan izan ziren; ondotik, urriaren 25ean Iturengo Pulunpa eskolan eta Saldiasko eskolan eta urriaren 30ean, asteazkenean, Tafallako Garcés de los Fayos ikastolara joatekoak dira.
Ikastetxeez gain, bertzelako zentroetan ere izan dira, hala nola, Zizur Txikiko Ramon y Cajal eguneko zentroan eta Iruñeko kartzelan.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.