Urriko kultur eskaintza zabala prestatu dute Iturenen. Urriko lehen ortziralean Jon Plazaolaren bakarrizketaz gozatzeko aukera izan behar zen, baina azken momentuko aldaketagatik,abendura aldatu da eskaintza. Hala ere, urriko azken bi asteburuetan zer ikusi eta gozatzeko aukera izanen da. Hasteko, Iñaki Atxa argazkilari elizondoarrarren animalia basatien inguruko bideo emanaldia eta argazki erakusketa Iturengo herriko etxeko ganbaran izanen da. Urriaren 18an, ortziralean, 19:30ean irekiko da erakusketa eta bideo emanaldia 20:00etan izanen da, naturan hartutako irudiekin.
Jaione Olazabal eta familia Aurtizko frontoian kantari urriaren 26an
Aresoko Jaione Olazabal abeslari ezagunaren eta bere familiaren kontzertua, berriz, Aurtizko Koianea Ttikia pilotalekuan izanen da urriaren 26an, 19:00etan. Urriko azken larunbatean izanen da ilunabar polita pasatzeko aukera. Jaione Olazabal bakarlari gisara hasi zen kantuan, baina orain, familia osoarekin eskaintzen ditu kantaldiak.