Urriaren 31n, azaroaren 1ean eta azaroaren 2an eginen dute eskola eta 18 eta 30 urte arteko gazteei zuzenduta dago bereziki.
Hiru egunez hainbat solasaldi izanen dira, eta dagoeneko aurkeztu dute egitaraua. Urriaren 31n, 16:00etatik 18:00etara harrera eginen diete parte hartzaileei, eta ondotik, 18:00etan, eskolaren antolatzaile Iñigo Satrustegi Andresek Kopiatzea idaztea da solasaldia emanen du.
Biharamunean, urriaren 1ean 10:00etan bi solasaldi izanen dira aukeran: Maite Mutuberriaren Idazketa mutua eta Angel Erroren Poema onak idaztea erraza da. Bazkalondoan, 16:00etan, Iratxe Retolaza Gutierrezek Jolas bisualak eta tipografikoak solasaldia gidatuko du.
Larunbatean, azaroaren 2an, aldiz, 10:00etan Uxue Alberdi Estibaritz idazlea eta bertsolaria bertaratuko da Apunteak idazketaz hitzaldia emateko. Eskola bukatzeko, 16:00etan, Lizar Begoñaren Leku bat inon (ez) eta Uxue Apaolazaren Knock-out (Ipuinekin solasean) solasaldiez gozatzeko aukera izanen da.
Eskola debalde izanen da, eta aitzinerago irekiko dute izen emateko epea.