Ines Bengoa kontalariaren eskutik, kamishibai saioa izanen dute urriaren 15ean, asteartean, 18:00etan hasita Doneztebeko liburutegian. Itziar Ancinek idatzi eta Leire Urbeltzek ilustratutako Amaia eta Martín barazkien jaian liburua izanen dute oinarri, lau urtetik goitikoentzat izanen den saioan. Saioaren bukaeran bertaratutakoei liburuaren ale bana oparituko zaie.
Ipuin txokoa
Haizea Loira musikoterapeutak bideratutako saio hauek urriaren 8an hasi dira. Maiatzaren bukaerara arte Ipuin Txokoko ateak zabalik izanen dira asteartero, 11:00etatik 12:00etara, 0-3 txikientxat. Bertako emanaldi hauetan musika, ipuinak eta dantzetan murgilduta aritzen dira txikiak eta beraiekin bertaratzen direnak.
Urriaren 28an Sorkuntza tailerra: begirada feminista
Luisa Etxenike idazle gipuzkoarrak bideratutako tailerra izanen da. Etxenikek hainbat testu landuko ditu begirada feministatik: testuak arakatu, irakurri, hausnartu… Topaketa hau Irakurle taldeen jardunaren barrenean kokatu behar da.
Aipatu behar da gaztelaniako irakurle taldeak ikasturtea martxan paratu duela. Irailean Malas mujeres izeneko liburua landu zuten eta maiatzaren bukaerara arte hilero ala bat landuko dute. Euskarazko irakurle taldeak ere ikasturtea azaroan hasiko du. Aurten bortz lan landuko dituzte eta egileak ere bertaratuko dira.