Doneztebeko Erreka Elkarteko Gaxuxa Zelaieta Eulate legasarra eta Joanes Juanotena Iribarren Doneztebeko judokek Andorran hasi dute 2024-2025eko denboraldia. Abuztuaren 26tik 31ra Andorrako Stage internazionalean hartu dute parte Nafarroako Federazioarekin. Entrenamenduetan Frantziako judokekin eta nazioarteko jendearekin neurtu dituzte indarrak. Ondotik, Noelia Ariztia entrenatzaileak aipatu duenez, «etxera bueltan Doneztebe eta Iruñea artean segituko dute entrenamenduekin, gogotsu eta ilusioz».
