Aritz Juanenea saldiastarrak buruz buruko finalerdietako ligaxkako bigarren partida jokatu zuen ortzegunean Galarretan Ansa II.aren kontra eta hau ere galdu egin zuen (30-23). Honela, finalerako bidea arras zaildu zaio Juaneneari. Falta zaion partida Urrizari irabazteaz gain, bertze emaitzen menpe dago saldiastarra.
Partida ederra eskaini zuten Juaneneak eta Ansak. Saldiastarra 9-15 eta 12-17 irabazten izan zen, baina Ansak markagailua irauli zuen (21-20) eta indartsuago akitu zuen partida, 30-23 irabazteko eta Juanenea punturik gabe uzteko. Orain, bi partidaren ondotik, 3 puntu ditu Ansak eta bi Juaneneak. Partida bakarrarekin launa puntu dituzte Urrizak eta Barrenetxea IV.ak.
Abuztuaren 29ko emaitzak Galarretan
- Susperregi-Zubiri, 1; Irazu-Zaldua, 2
- Ansa II.a, 30; Juanenea, 23 Buruz buruko txapelketa
- Segurola-Larrañaga, 2; Ezkurra II.a-Martirena, 1