Doneztebeko Erreka kirol elkarteak Bortz Kirol txapelketa antolatu du hirugarren aldiz. Dagoeneko bortz pilotarik emana dute izena eta bertze batzuk beraien interesa azaldu dute. Beraz, udazken partean berriz ere pilotako bortz modalitate biltzen dituen txapelketa honetan pilotariak lehian ikusteko aukera izanen da Doneztebeko Ezkurra pilotalekuan. Lehen bi edizioetan Eiherelarreko Jerome Karrikaburu suertatu da garaile.
Izena eman nahi duenak errekaelkartea@yahoo.es helbide elektronikoan eman dezake izena. Irailean hasi nahi dute entrenamenduekin eta urrian jokatu nahi dute txapelketa. Informazio gehiagorako Erreka elkartearekin jarri behar da harremanean.