Larunbatean, ekainaren 15ean Burgosko San Esteban Ganbara Abesbatzak emanen du emanaldia elizan 20:30ean. César Zumelen zuzendaritzapean, hainbat estilo eta garaitako obrak interpretatuko dituzte, gehien bat errenazimendu garaikoak.
Kontzertua Mendi eta San Esteban Abesbatzak egindako elkartrukearen ondorioa da, eta horregatik kontzertuko azken bi kantak bi abesbatzek elkarrekin kantatuko dituzte.
Biharamunean, ekainaren 16an, kontzertu erabat diferenteaz gozatzeko aukera izanen da. Iruñeko Alaikapela Gospel Abesbatzako kideak izanen dira elizan 18:00etan hasita. Daniel Amatriain zuzendari dutela, aitzinako esklaboen kantu espiritualak kantatuko dituzte.
Bi kontzertuak debalde izanen dira, eta antolatzaileek herritarrak animatu dituzte bertaratzea.