Ludoteka zerbitzua 2014 eta 2020 artean jaiotako haurrentzako izanen da, biak barne eta astelehenetik ortziralera elkartuko dira 09:00etatik 14:00etara. Uztailaren 2tik abuztuaren 30era izanen da ludoteka, baina, hilabete baterako apuntatzeko aukera ere izanen da.
Bi hilabeteko egonaldiak 250 euroko prezioa du, eta hilabete batekoak, aldiz, 140. Deskontuak ere eginen dituzte, ludotekan bi senide dituztenek %15eko deskontua izanen dute, eta hiru dituztenek %30ekoa.
Denera 20 plaza izanen dira, eta lehentasuna maiatzaren 28a baino lehen Donezteben erroldatutako haurrek izanen dute. Ondotik, uda osoan izena eman dutenek, eta azkenik, izen emateko ordena hartuko dute kontuan. Plaza lortu dutenei telefonoz edo posta elektronikoz jakinaraziko diete.