Malerrekako eta Bertizaranako Gazte Eguna ekainaren 8an antolatu dute Sunbillan, egitarau zabalarekin.
Larunbatean, 09:30ean herri ernatzea eginen dute plazatik. 10:00etan gosari tertulia izanen dute, Ze ongi bizi garen uaingo gaztik?! goiburupean. 11:30ean herrien arteko herri kirolak izanen dituzte jokoan eta 14:30ean gazte bazkaria. Txartelak salgai daude (14 euro, opariarekin) Iturengo Herriko Ostatuan, Donamariako Ostatuan, Doneztebeko Xarmant ostatuan, Sunbillako Fonda ostatuan eta Legasako Kattalin ostatuan.
Bazkalondoan bingo musikatua izanen dute, 17:30ean mojito txapelketa, 19:30ean zapatila tiraketa eta 20:30ean bokatak izanen dituzte plazan. 22:00etan kontzertuak hasiko dira Matxarda, Zinez, Thebekatu eta DJ Liatu Gareterekin. Ospakizunak borobiltzeko, goizaldean, 06:00etan, gaupasan daudenen argazkia aterako dute.