Bestaberri eguna ospatuko dute Zubietan igande honetan, ekainaren 2an. Ohi bezala, berriz ere erlijio ospakizuna bestelakoekin lotu nahi dute. Pandemiara bitarte gazta lehiaketa ere egiten zen, baina azken urteetan ez da halakorik egin eta aurten ere ez da eginen.
Arratsaldean meza izanen dute eta meza ondotik musika izanen da plazan Modesto soinulariarekin. Merienda ere eskainiko du Zubietako Udalak herriko gaztekin. Horretaz gain, seguru herritarrek plaza ingurua eta kaleak txukundu eta dotore-dotore apainduko dituztela.