Malerrekako Mankomunitatea eta udalak lanean ari dira Nafarroako Hondakinen Kudeaketa Plana aitzinera eramateko, «lurralde jasangarriagoa egiteko helburuz». Plana hondakinen sorkuntzaren prebentzioan eta haien kudeaketa hobetzean datza, eta helburu hauek ditu:
- 2024an hondakin organikoen % 50 bereizita kudeatzea
- 2027an hondakin organikoen % 70 bereizita kudeatzea
Gainontzeko zakarrak nola kudeatu eta Doneztebeko puntu garbiak nola funtzionatzen duen azaltzeko saioak antolatu ditu Donamariako Udalak larunbat honetan, eta bortz tokitan eginen dituzte:
- Artzen 09:00etan zaborrontzien tokian
- Uxarrean 09:45ean frontoiko zaborrontzien tokian
- Askarragan 10:30ean zaborrontzien tokian
- Gaztelun 11:15ean zaborrontzien tokian
- Igurin 11:30ean zaborrontzien tokian
Benten inguruan ez da bilerarik izanen, trafikoaren ondorioz arriskutsua izanen delako. Hori dela eta, gainerako herritarrak bertze auzo batera mugitzeko deia egin dute; «garrantzitsuena agertzea da».