Nabe batean ebasten saiatu eta ihes egin ondotik, Foruzaingoak hiru gizon atxilotu ditu Sunbillan

Foruzaingoaren oharrean zehazten denez, atxilotutako hiruak «bailarako industria nabe batean sartu ziren 20.000 eurotan baloratutako kobrea ebasteko asmoz». Saiakeran ari zirenean, «langile batek aurkitu zituen eta ihes egin zuten». Orduan, Foruzaingoari abisua eman eta Elizondoko komisariako patruila batek Sunbillan geldiarazi zuen ibilgailua eta, «barnean, lapurretak egiteko moduko tresnak atzeman zituzten: eskularruak, kamuflajeko bragak, maskarak, aliketak, ebakitzeko gailuak eta linternak».