Errekaren kopako finalaren ondoko afarirako izena emateko azken eguna da gaurkoa

Ttipi-Ttapa 2024ko mai. 14a, 10:30
Deskargatu Info Ahotsak :
es en fr

Errekaren marea urdina Lekunberrin jokatutako lauko finalean. Larunbat honetan Doneztebeko kiroldegia betetzea espero dute, kopako finalean etxeko taldea babesteko.

Larunbatean 18:00etan hasiko den eskubaloi finalaren inguruan egitarau zabala prestatu dute Donezteben

Koparen finala jokatuko du maiatzaren 18an, larunbatean 18:00etan Doneztebeko Errekako gizonezkoen eskubaloi talde nagusiak Doneztebeko kiroldegian, Ardoi taldearen kontra. Hitzordu garrantzitsu horren inguruan egitarau zabala prestatu du Errekak: 15:30ean poteoa abiatuko da Xarmantetik, Gazte Burrunbaren karro txarangarekin. 17:15ean irekiko dute kiroldegia eta Poti ‘Crazihorse’ music aditzeko aukera izanen da. Aipatu bezala, 18:00etan hasiko da Erreka eta Ardoiren arteko finala eta galdu ala irabazi, 21:00etan afaria izanen dute Santamaria jatetxean. Afarirako izena emateko azken eguna gaurkoa da, lotura honetan

Kirola Malerreka Doneztebe

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun