'Nieva ceniza' erakusketa izanen dute ikusgai Iturenen datozen asteetan

Ttipi-Ttapa 2024ko api. 18a, 14:00
Deskargatu Info Ahotsak :
Español English Français Català Galego

Ivan Benitez erakusketaren sortzailea bere argazkien aurrean.

Apirilaren 20tik maiatzaren 5era arte, Ivan Benitezek osatutako Nieva ceniza erakusketa ikusteko aukera izanen da Iturengo Herriko Etxeko ganbaran. Benitezek hitzak eta argazkiak erabiliz, ahanzturaren kontrako kronikak osatu nahi izan ditu. 1998 eta 2022 artean Sudan, Nikaragua, Israel, Etiopia, Mali, Kamerun, India, Guatemala, Kolonbia, Honduras eta Mexikon aritu zen lanean eta hango herritarren egunerokoa bertatik bertara ezagutzeko aukera izan zuen. Errealitate gordina: gosea, emakumeek jasatzen duten tratua, haurren egoera zaila... horiek guztiak bildu ditu erakusketan.

Apirilaren 20an, larunbatean, 16:00etan eginen dute inaugurazioa eta hitzordua baliatuta, Ivan Benitezek bisita gidatua eskainiko du 18:00etan. Nahi duenak datozen hiru asteburuetan erakusketa bisitatzeko aukera izanen du: apirilaren 20an (16:00-20:00), apirilaren 21ean (10:00-13:00), apirilaren 26an (18:30-20:30), apirilaren 27an (16:00-20:00), apirilaren 28an (10:00-13:00), maiatzaren 3an (18:30-20:30), maiatzaren 4an (16:00-20:00) eta maiatzaren 5ean (10:00-13:00).

Argazki guztiek azalpen labur bat dute ondoan, irudiari testuingurua ematen diona. Ahanzturaren aurkako bozgorailua izateaz aparte, jendartearen bizitzeko borondatea goraipatzeko lagin bat izan nahi du erakusketak.

Gizartea Malerreka Ituren

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!