Donezteben kontzertu berezia izan zuten martxoaren 16an, joan den udan zendutako Federico Moreno-Torroba Larregla musikariaren omenez. Bertan bere obrak, bere aitarenak eta baita aitatxi zuen Joaquín Larreglarenak ere entzun ziren Mendi abesbatzaren, Raquel Andueza sopranoaren, Eduardo Zubikoa tenorearen eta Raquel del Val zein Amaia Cordoba piano joleen ahots eta eskuetan.
Zinez emanaldi hunkigarria izan zen hasieratik bukaera arte eta hildakoaren alargunari oroigarri bat eman zioten Mendi Abesbatzako kideek eta Doneztebeko udaleko ordezkariek. Entzuleek lepo bete zuen Doneztebeko eliza eta txalo zaparrada luzeak eskaini zizkieten musikari guztiei.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.