Asteburu Kulturak ederraz gozatzeko aukera ezin hobea izan dute aurten ere Sunbillako herritarrek. Ortziralean, haur jokoak izan zituzten. Ondotik, bokata-jatea eta musika ere izan zuten. Larunbatean, Ulibeltzak elkartean sei bikotek mus txapelketa jokatu zuten. Sailkapena ondorengoa izan zen: 1. Maxux Iriarte-Rakel Urtxegi; 2. Koldo Herrera-Haritz Bereau; 3. Asier-Gorka Antuña; 4. Pattere Galtzagorri eta Niebes Biurrarena. Bertzetik, puzgarriak frontoian izan ziren goiz-arratsaldez. Bustitz ostatuan ere bazkaria izan zen. Igandean, Zumalekura mendi irteera egin zuten, eta, eguerdian, gaitariak lagundurik erraldoiek herrian barna itzulia eman zuten. Bi hitzetan: asteburu bikaina. Eskerrak eman asteburu kulturala antolatu duten guztiei, baita parte hartu dutenei ere. Argazkiak: Kristina Loiarte, Nerea Petrirena, Esteban Korta, Iratxe Mendikoa, Haritz Bereau.