Inauterietako pertsonaiak dira joaldunak, baina eguberrietan ere harat-honatean ibili behar izaten dute, hango eta hemengo ospakizunetan. Iturengo joaldun helduak abenduaren 22an Arrasaten santamasetan ibili ziren eta biharamunean Corellako Olentzeroan. Iturengo ttikien taldea berriz Oreretara (argazkian) eta Barañaingo Olentzerora joan ziren. Aurtizko joaldunak ere Elizondoko Olentzeroan atera ziren.
Errege bezperan paratzen dituzte joareak norbere herrian eta egun berezia izaten da, inauteriei begira. Aurtizko joaldunak Elizondoko kabalgatara joaten dira eta Zubietakoak Doneztebekora. Ondotik, inauterien aitzineko lehen harat-honatak egiten dituzte.