Nesketan Saioa San Miguel doneztebarrak bere maila izugarria bertze behin ere agerian utzi zuen eta beretzat izan zen lehen postua. Amaia Jorajuria doneztebarra eta Elgorriagako Mireia Ostiz izan ziren bigarren eta hirugarren, hurrenez hurren.
Mutiletan Narbarteko Joseba Elizagoien izan zen garaile, nagusitasun osoz. Ezusteko nagusia Borja Arregi doneztebarrak eman zuen, proba itzela osatuz. Beretzat izan zen bigarren postua eta hirugarren Beintza- Labaiengo Beñat Albisu gaztea izan zen.
Parte hartzaile guztien artean opari ugari banatu zituzten sari banaketa eta gero.
Akitzeko, Erreka elkarteak eskerrak eman nahi dizkie Pequeña Guerrera kardiopatiak dituzten haurren Nafarroako elkartearen alde egindako zozketan parte hartu duten guztiei: «Elkartasun adibide bikain eman genuen».
