Xanti Uterga doneztebarrak eta Agoizko Otanok jokatuko dute Eguberrietako buruz buruko erremonte txapelketaren finala abenduaren 21ean, ortzegunean, Iruñeko Labrit pilotalekuan. Larunbatean Irunberrin jokatutako finalerdietan garaile suertatu ziren. Doneztebeko aurrelarien arteko lehian, Utergak 30-19 irabazi zion Eloy Otxandorenari eta atzelarien arteko norgehiagokan, Otano 30-23 gailendu zitzaion Ioni.
Xanti Utergak iaz ere lortu zuen Eguberrietako buruz buruko txapela, finalean Aimar Jabalerari irabazita. Aurten txapelari eutsi nahiko dio eta Otano izanen du arerio abenduaren 21ean, ortzegunean 18:30ean Iruñelo Labrit pilotalekuan hasiko den finalean.