Euskal Jai erremonte fundazioak antolatutako Eguberrietako buruz buruzko erremonte txapelketa-Martiko Sari Nagusia 2023 txapelketako finalerdiak abenduaren 16am, larunbatean 18:00etan hasita jokatuko dituzte Irunberrin. Doneztebar bat izanen da finalean, bigarren finalaurrekoan Xanti Uterga eta Eloy Otxandorena izanen baitia aurrez aurre.
Irabazleak, aitzinetik Ion azpeitiarrak eta Agoizko Otanok jokatuko duten finalerdiko irabazlearen kontra jokatuko dute finala abenduaren 21ean, datorren ortzegunean 18:30ean hasita Iruñeko Labrit pilotalekuan.
Final horren atarian Euskal Jai erremonte fundazioak omenaldia eskainiko dio berriki profesional izateari utzi dion Imanol Erviti txirrindulari nafarrari. Jaialdietan lortzen den dirua Nafarroako Esklerosi Anizkoitzaren Elkarteari emanen zaio.