Aurten ere Santamarian izanen da otordua eta biharkoa izanen da sarrerak erosteko azken eguna; 33 eurotan erosi daitezke Ostizen. Norbaitek menu barazkijalea nahiko balu, sarrera erostean abisatu beharko du.
Bertso afaria ez da izanen ortziralean Donezteben izanen den ekitaldi bakarra. Egun berean, meza ondotik, Mendi Abesbatzaren Eguberrietako kontzertu berezia izanen baita elizan. Mendi eta Mendi Ttiki abesbatzak eta Agorreta Musika Eskolako haurrak ariko dira kantuan, eta Donostiako Txistulari Bandako musikariak arduratuko dira musikarekin laguntzeaz.