2019ko udal hauteskundeen lehenbiziko deialdian ez zen zerrendarik aurkeztu Urrozen, eta bigarren deialdian herritarrek adierazi zutenez, «azken momentuan» egin zuten. Bortz laguneko taldea bildu ziren: Josu Zozaia Ubiria (alkatea), Imanol Juanena Aleman, Unai Madariaga Iribarren, Patxi Urroz Telletxea eta Mikel Zozaia Urtsuegi. Beraiek izan dira azken lau urteotan Urrozko Udala osatu dutenak.
Aurten ere, maiatzeko deialdian ez zen zerrendarik aurkeztu, eta bigarren deialdian Aulki Zuriak izeneko estatu mailako mugimenduak baino ez zuen bere hautagaitza aurkeztu. Baina honek ez du botorik lortu. Hala, hurrengo pausoa kudeaketa batzordea osatzea izanen da eta hori izendatzeko prozedura martxan paratzea Nafarroako Gobernuari dagokio.