Binakako erremonte txapelketaren bigarren jardunaldia jokatu zen ortziralean Galarretan. Bigarren partidan, Segurolak eta Aritz Juanenea saldiastarrak 2-1 irabazi zieten Josetxo Ezkurra II.a doneztebarrari eta Larrañagari (15-7, 9-15 eta 8-7).
Partida ezin berdinduago izan zen eta hirugarren jokoan, hil ala biziko tantoan nagusitu ziren gorriak. Honela, bi partida jokatu ondotik, 4 puntu dituzte Segurola eta Juaneneak, eta partida bakarra jokatuta, puntu bakarra Ezkurra II.ak eta Larrañagak.
Lehen mailako txapelketako lehen partidan, Ansa II.ak eta Martirenak 2-1 irabazi zieten Urriza eta Azpirozi (15-12, 13-15 eta 8-7). Beraz, hemen ere berdintasun handia izan zen.
Ortziraleko jaialdiko lehen partidan, bigarren mailako txapelketako partidan,
Goikoetxea V.ak eta Aiestaran VI.ak 2-0 irabzi zieten Gurrutxagari eta Aritz Zubiri goizuetarrari (15-14 eta 15-12).