Eguraldi ederra lagun, herritar aunitz atera ziren kotxeak ikustera eta giroaz gozatzera. Txistulariak eta erraldoiak aritu ziren giroa alaitzen, eta Erreka Dantza Taldeak ere emanaldia egin zuen.
Arratsaldean, Aparanen 4x4 autoen proba egin zuten. 30 bat kotxe elkartu ziren, eta erakusketa denez, ez zen irabazlerik izan. Antolatzaileek kontatu dutenez, «denek ongi pasatzeko antolatzen dugun ekintza da». Probara uste baino jende gehiago joan zela azaldu dute, eta eskerrak eman dizkiete laguntzera joandakoei. «Beraiek gabe ezingo genuke egun hau ospatu», azaldu dute. Eguna bukatzeko, parte hartzaileek afaria egin zuten.