Kurtso berria martxa bizian abiatu du Doneztebeko Mendi abesbatzak. Urrozko San Migel bestetan meza eta kontzertu ttikia abestu zituen irail bukaeran, eta urriaren 7an, larunbatean 20:00etan Lantzeko Gurutze Santuaren elizan kontzertua eskainiko du Nafarroako Abesbatzen Elkarteak antolatutako Bideak elkartuz zikloaren barrenean.
Hurrengo asteko igandean, urriaren 15ean, arratsaldean Doneztebeko eliza atariko plazan kontzertua eskainiko du asteburu kulturalaren barrenean. Urriaren 20tik 22ra, berriz, bidaia ederra prestatu dute, Burgos aldera. Larunbatean Burgos hiriburuko San Nicolás de Bari elizan kontzertua eskainiko dute bertako San Andres Ganbera Abesbatzarekin batean eta biharamunean, Silosko Monasterioan abesteko aukera paregabea izanen dute.
Ekitaldiz zein ilusioz gainezka daude beraz, Mendi Abesbatza osatzen duten kideak.