Clasicos San Fermin taldeak eta udalak antolatu ditu Automobilen Ondareari Buruzko Jardunaldiak eta Merkatuko plazan eginen dituzte. 09:00etan elkartuko dira eta partaideen harrera eginen dute. Ondotik, 10:30ean Malerrekan barrena eginen dute irteera kotxe klasikoekin. 12:00etan Doneztebera itzuliko dira eta Erreka Dantza Taldearen emanaldia izanen dute eta ondotik, 14:30ean parte hartzaileen bazkaria izanen da.
Eguna girotzen joaldunak eta Doneztebeko erraldoiak ariko dira, eta auto klasikoen erakusketa ere izanen da.
Auto klasikoak ez dira larunbatean Donezteben izanen diren bakarrak izanen. Aparanen 15:00etan hasita eta Boma 4x4 taldeak antolatuta, Doneztebeko 4x4 triala jokatuko dute.