Nafarroako XVIII. erremonte txapelketako lehen faseko azken jokatu zuten igande arratsaldean Atarrabiako Lorenzo Goikoa pilotalekuan. Xanti Utergaren atzelaria Agirrezabala ordezkatuko duen Dabid Mitxeo Doneztebeko gaztea izan zen lehen aldiz eta Matxin III.a eta Otano izan zituzten arerio. Doneztebeko bikoteak 30-35 galdu zuen.
Jaialdia hasteko partidan eskualdeko lau erremontista aritu ziren: Aimar Jabalera eta Markel Leatxe doneztebarrek 30-23 irabazi zieten Xuban Iturregi iruritarrari eta Aimar Saldias oiztarrari.
Txapelketako finalerdiak erabakiak
Nafarroako erremonte txapelketako finalerdietako gurutzaketak erabakiak gelditu dira dagoeneko. Honela, lehen fasean lehenbizikoak gelditu diren Otxandorena eta Ion, laugarren izan diren Zeberio II.aren eta Saldiasen kontra ariko dira urriaren 14an Arbizun eta urriaren 21ean Irunberrin. Bertze finalerdian, lehen fasean bigarren ian ziren Matxin III.a eta Otano, Uterga eta Agirrezabalaren kontra ariko dira, urriaren 15ean Zangozan eta urriaren 22an Altsasun. Final handia urriaren 28an jokatuko dute Zubirin.