Igandero bezala, herritar mordo bat bildu zen iraileko lehen igandean ere Beintzako plazan. Aste osoan herrian izaten den girorik bikainena eta politena igande eguerdian izaten da. Adin guzietako jendea eta, batez ere, herriko bikote gazteak beraien seme-alabekin biltzen dira Beintzako ostatuan eta plazan.
Gainera, irailaren 3an Beintzako ostatuan biltzeko beste arrazoi ere izan zuten. Orain dela gutxi, Beintzako ostatuko terraza kentzeko salaketa bat izan da. Ostatuan bildutakoek adierazi zutenez, «gure ustez, ez du inongo zentzurik eta salaketa egin duenari herri giro bikain eta eder hori ez duela hautsiko erran nahi diogu. Herritarrok ez dugu onartuko!».