Bonuak Laboral Kutxaren egoitzan eta Kukuka haurrentzako arropa dendan paratuko dituzte salgai. 20 euroko balioa du bonu bakoitzak, baina erosleak 14 euro ordaindu beharko ditu. Denera, 400 bonu paratuko dituzte salgai.
Heldu den astelehenean, abuztuaren 28an irekiko dute bonuak erosteko aukera, eta irailaren 30ean bukatuko da. Erabiltzaileek ere epe hori izanen dute bonua ibiltzeko. Pertsona bakoitzeko gehienez bi bonu erosi ahal izanen dira, eta erosketa tiket bakoitzeko gehienez 2 bonu trukatu ahal izanen dira. Gainera, bonua erosketa bakar batean trukatu beharko da osorik eta ez da dirurik itzuliko.
Ondorengo denda eta zerbitzu hauek hartuko dute parte promozioan, eta beraz horietan erabiltzen ahalko da bonua:
- Angie English Academy
- A.P Amaya Picabea
- Arrate estetika zentroa
- Artlepo- Onddo ta punto
- Beni Arraindegia
- Saldias harategia
- Casa Lacar etxea
- Centro tecnico veterinario
- Cosas de casa
- Mendia farmazia
- Apeztegia Berria ferreteria
- Garmendi TX
- Kalash bitxigileak
- Kukuka haur arropa denda
- Kimetz belardenda
- Maite moda
- Menditxuri
- Miguelena
- Olatz zapata denda
- Sare akademia
- Talleres Santesteban
- Ze goxo frutadenda.