Partida bikaina egin zuen atzo Labriten Aimar Saldias erremontista oiztarrak eta Matxin III.arekin batera, 34-35 irabazi zien Xanti Uterga doneztebarrari eta Barricarti. Gaur, 16:45ean Labriten hasiko den jaialdian, finala jokatuko dute Matxinek eta Saldiasek, Zeberio II.a eta Ionen kontra. Gipuzkoarrek 35-17 irabazi zieten finalerdian Aimar Jabalera doneztebarrari eta Otanori. Promozio mailako partidan, Xuban Iturregi iruritarrak eta Dabid Mitxeo doneztebarrak 30-21 irabazi zieten atzo Oses eta Baztani eta txapela jokoan izanen dute gaur Jon Sagaseta iruritarraren eta Agirrezabalaren kontra.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun