Azkarateko bidean egiten ari diren mantentze lanak tarteko, atzotik itxita dago bidea eta datorren asteazkenera arte, uztailaren 5era arte, kotxeentzat eta traktoreentzat itxita egonen da. Kamioiek, berriz, uztailaren 20ra arte ezin izanen dute hortik pasatu. Zehazki, Larraineko bordako bidegurutzetik Azkarateko bordaraino itxi dute.
Bestalde, Aurkidiko bidean kanadar pasabidea egiten ari dira eta horretarako atzo itxi zuten pista, Borraldako bidegurutzetik gora. Ondoko egun batzuetan ere pista itxita mantenduko dutela adierazi du Zubietako Udalak.