INTIAk Nafarroan berreskuratu dituen hainbat hazi landatuko ditu Juanseneko finka esperimentalean

Ttipi-Ttapa 2023ko eka. 24a, 12:00
Deskargatu Info Ahotsak :
es en fr

Partikularren laguntzari esker, INTIA sozietate publikoak Nafarroan galtzeko arriskuan zeuden 92 hazi barietate berreskuratzea lortu du. Zehazki, azken hilabeteotan 14 hazi berri gehitu dituzte lehendik jada berreskuratuak zituzten 78 hazien bildumara, eta orain Baratzeko Tokiko Barietateen Nafarroako Gidan sartu dituzte.

Oraingoz berreskuratuak dituzten 92 barietate horietatik, aurten Doneztebeko eta Sartagudako  finka esperimentaletan 16 baratze-espezie landatuko dira: zazpi babarrun espezie, hiru tomate espezie, kalabaza espezie bat, bi arto espezie, baba espezie bat, aza espezie bat eta eskarola espezie bat.

Laborantza lan hauen bitartez, CITA delakoaren Zaragozako Barazkien Germoplasmako Bankura (BGHZ) eramateko behar adina hazi ekoitzi nahi ditu INTIAk. Tokiko baratze espezie eta barietateen hazi horiek banku horretan gordetzeak epe luzerako kontserbazioa bermatzen du, behin betiko galtzetik libratuz eta, bidenabar, biodibertsitatea sustatuz.
 
 

Ekonomia Malerreka Doneztebe

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun