Udaberriko Erremonte Profesionaleko finala ekainaren 24an, larunbatean 19:00etan hasiko den jaialdian jokatuko dute Berriozarren eta dagoeneko baditu finalistak: Zeberio II.a eta Otano, Xanti Uterga doneztebarraren eta Barricart-en kontra.
Larunbatean Lizarran jokatu zituzten finalerdiak. Lehenbizikoan, Zeberio II.ak eta Otanok erraz menperatu zituzten Eloi Otxandorena doneztebarra eta Ion (35-21). Bigarrenean pronostikoak bete zituzten ligaxkako liderrek, Xanti Uterga doneztebarrak eta Barraixartek eta 35-27 irabazi zieten Aimar Jabalera doneztebarrari eta Aimar Saldias oiztarrari.