Urte osoan izaten du mendizaleen bisita Mendaurko kaskoak. Halere, Trinitate eguna berezia izaten da beti eta horrela izan da aurtengoa ere. Ohiturak jarraituz, goizean bi meza entzuteko aukera izan zuten baselizan. Eguraldi ederrarekin, Iturengo nahiz inguruetako jende ugari elkartu zen kaskoan, baita eguerdian urtegi inguruko bazkarian ere.
Ilunabarrean, menditik Iturengo herrira joan zen besta giroa, plazan Hauspolariekin dantzaldia izan baitzen. Tradizioarekin jarraituz, Iturengo goiko pisuetatik plazarako bidea zortzikoa dantzatzen egin zuten, Jaione eta Izaskun musikarien erritmoan.
Giro bikaina izan dute aurtengoan ere.