Goizean herritarren arteko herri kirolak izan ziren plazan, eta giro polita sortu zen bazkal aurretik herritarrak elkartzeko aitzakiarekin. Ondotik, Maialen Akizu eta Iker Zubeldia bertsolariekin girotutako herri bazkaria paregabe joan zen eta Beñat akordeoilariaren musikaz gozatzeko aukera ere izan zuten urroztarrek. Haurrek puzgarriak izan zituzten egun osoan eta mahai-jokoak eta berendua arratsaldean eta, akitzeko, afaria, xingarra eta txistorrarekin, denendako. Hurrengo irailean ospatuko diren San Miguel besten zain geratu dira.