Udaberriko besta ospatuko dute ekaineko lehen larunbatean, ekainaren 3an, Urrozen. Egun osorako egitarau oparoa izanen dute, tartean, herri bazkaria, Iker Zubeldia eta Maialen Akizu bertsolariekin.
Egitarau hasteko, ekainaren 3an, larunbatean 12:00etan herriko gazteen arteko herri kirol saioa izanen dute. 14:30ean herri bazkaria izanen dute, Iker Zubeldia eta Maialen Akizu bertsolariekin.
Bazkalondoan, dantzaldia izanen dute Beñat musikariarekin. Arratsaldean, haurrentzat mahai-jokoak eta berendua eta 21:00etan afaria, xingarra eta txistorrarekin.
Egun osoko haurrentzat puzgarriak izanen dira frontoian.