Errekak ere agurtu du Ibai Meoki

Helvetia Anaitasuna taldearekin azken partida jokatu zuen larunbatean Ibai Meoki Etxebeste doneztebarrak Iruñeko Anaitasuna kiroldegian. Errioxako Logroño La Rioja taldeari 30-27, gainera, Anaitasuna bertze urte batez Asobal ligan ariko dela segurtatuta utziko du eskubaloia Meokik. Partidaren ondotik, ongi merezitako omenaldia eskaini zioten bai Meokiri, baita hamazazpi urtez taldean aritu den Carlos Txokarrori ere. Doneztebarraren kasuan, herritarrak ere hurbildu ziren Anaitasuna kiroldegira eta Errekak eta Errekazaleek hainbat opari egin zizkioten: txapela, zapia, argazkiak….  Azkenean, argazkia atera zuten elkarrekin Errekako zaleek eta Ibai Meokik.