Udaberriko erremonte profesionaleko CaixaBank Sari Nagusiko final laurdenetako ligaxkako zortzigarren jardunaldia jokatu zuten igande goizean Lekunberriko Jaian Jai pilotalekuan. Dagoeneko finalerdietarako txartela eskuratua zuten Xanti Uterga doneztebarrak eta Barricartek laugarren garaipena lortu zuten, Matxin III.ari eta Agirrezabalari 35-31 irabazita.
Gainera, garaipen honekin, matematikoki finalerdietarako sailkapena lortu dute Aimar Jabalera doneztebarrak eta Aimar Saldias oiztarrak.
Jaialdia hasteko partidan, Zeberio II.a eta Dabid Mitxeo doneztebarrak 30-21 irabazi zieten Aimar Jabalera eta Markel Leatxe doneztebarrei.