Sustrai Erakuntzako kideek egungo energiari buruzko hainbat azalpen eman zituzten: kontsumoa, energia mota, ondorioak... Eta Endarako kideek beraien esperientzia elkarbanatu zuten, besteak beste, eolikoek sortuko luketen kaltea nabarmenduz. Gaiari buruzko informazio gehiago bilduta, Malerrekan eta inguruan egin nahi dituzten proiektu eolikoei erantzun nahian, ekimenari segida emateko asmoa dute, eta hala, igande honetan, maiatzaren 7an, 17:30ean Iturenen bilera eginen dute, «hemendik aurrera zein norabide hartu solastatzeko».
