Atletismoaren munduan urratsak azkar ematen ari da Saioa San Miguel Zelaieta doneztebarra. Joan den abenduan, Espainiako 20 urtez beheitiko txapelketan, 800 metroko Nafarroako errekorra egin zuen 18 urtez beheitiko kategorian eta orain, asteazkenean egindako 500 metroko lasterketan, Nafarroako errekorra egin du senior mailan. Minutu bat, 16 segundo eta 63 zentesima behar izan zituen Pamplona Atletico taldean ari den korrikalariak 500 metroak egiteko. Oraindik hamazazpi urte bertzerik ez dituela kontuan hartuz, etorkizun handia du atletismoan Saioa San Miguelek.
500 metroko lasterketan Nafarroako errekorra egin du Saioa San Miguel doneztebarrak
Hamazazpi urte bertzerik ez baditu ere, senior mailako marka hobetu du (1.16.63)
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun