Goizean, nork bere herrian hartuko du autobusa Doneztebera joateko. Bertan, 11:00etan elkartuko dira eta soinketa erakustaldia eginen dute kiroldegian
Ondotik, 12:00etan aurtengo berrikuntza nagusia izanen dute, herri kirol erakustaldia Cañamares anaien eskutik. Aizkoran ariko dira lehenik, eta ondotik baita trontzan ere.
Otordua Santamarian
Herri kirol erakustaldia bukatuta, kiroldegitik atera eta bazkaria izanen dute Santamaria jatetxean 14:00etan. Tripa bete ondotik, eguna akitzeko 17:00etan Jose Angelekin dantzaldia izanen dute eta 19:00etan etxera itzultzeko autobusa hartuko dute.