Hainbat urtez talderik gabe egon ondotik, denboraldi honetan berriz ere emakume seniorren taldea kantxaratu du Erreka eskubaloi taldeak. Ez da denboraldi erraza izan, baina halere goiti egin dute jokoan eta bi partida irabaztea lortu dute. Azken boladan, gero eta gehiago lehiatu dute eta horren erakusgarri, azken hiru partidetan gol bakarreko aldearekin galdu dutela.
Denboraldiko azken partida apirilaren 18an, asteartean 20:00etan jokatuko dute Doneztebeko kiroldegian. Ez dute partida xamurra izanen, sailkapenean hirugarren den Anaitasuna izanen baitute arerio, baina bere onena ematen saiatuko dira. Denboraldia agurtzeko zaleen babesa eskertuko dute eta ea denboraldiko hirugarren garaipenarekin borobiltzen duten.