Goizean hainbat jarduera egin zituzten: herri kirolen erakustaldia, aizkora, harri jasotzea... Hala ere, eguneko momenturik hunkigarriena omenaldia izan zen. Maitasun bereziz, omenaldia egin zioten berriki hil den Egoitz Albizuri elkarteko bazkide eta lagunari. Bere omenez plaka bat paratu zuten, bere zakurra ondoan zela eta gutun bat leitu zioten eta hainbat musika pieza jo zituzten. Azkenik, bazkari herrikoia izan zuten Santamaria jatetxean ekitaldira hurbildu ziren pertsona guztiekin.
Basati Alaunt arraza ofiziala izateko bidean
1992an basurdeak ehizatzeko nahiarekin, nafar euste arraza bat hautatzen hasi ziren. Hasieran, ehiza funtzionaltasun argia zeukaten arraza gabeko txakurrak erabili zituzten. Modu horretan, funtzionalitate, morfologia eta izaera aukeraketa egiten hasi ziren. Gaur egun, lan eta denbora aunitzen ondotik, Basati Alaunt arraza ofiziala izateko onarpenaren atarian dago.
Proiektua Arruazuko Xabier Ovejero Ganboak, Valtierrako Pedro Saez de Jauregi Urdanazek eta Doneztebeko Luis Martin San Miguelek hasi zuten, eta proiektuaren ezinbertzeko zati diren dozenaka bazkide gehitu zaizkie.