10:00etan paratu dute hitzordua Hendaiako Baleak elkartean eta handik autoz joanen dira Iturengo plazara. Bertan, 10:30ean abiatuko dute txangoa eta uraren bidean barna Zubietara joanen dira Latsagatik eta Aurtiztik barna. Zubietan, 12:00etan bisita eginen dute errotan Edorta Amurua errotako langilearekin.
Ondotik, Iturenera itzuliko dira eta bertan bazkaria izanen dute 14:00etan. Bazkaltzeko bi aukera izanen dira, etxetik eramandako piknika egitea, edo Iturengo ostatuan bazkaltzea. Bigarren aukera nahi dutenek, gaurkoa izanen dute izena emateko azken eguna eta +34 637 010 182 zenbakian egin behar da. Bazkalondoan, Iturengo Arotzaren historiaz ariko dira.
Ibilbidea oinez zein autoz egiteko aukera izanen da.